RUBEN PICHEL ETA YOREL MARTINEZ, EUSKAL LIGAKO FINALEAN.

EPLEko Ruben Pichel eta Yorel Martinez  Euskal Ligako larruzko paletako finalean sartu dira. Sestaoko Lagun Artea taldeko palistak irabazi zituzten asteburuan Agustina Otaola Raketista Profesionala frontoian eta 35-30 utzi zuten markagailua. Finala irabazita txapelak Errenteria-Oreretara ekartzea falta zaie EPLEkoei orain.

 

Udaberri Txapelketaren gomazko paleta modalitatean Batzokiko Mitxelena eta Labordek ez zuten garaipena lortu. Soraluzeren kontra aritu ziren errenteriarrak eta atzetik ibilita (11-19) markagailuan Soraluzekoekin distantzia murriztea lortu bazuten ere 20ra berdindu arte, azkenean ez zuen lortu garaipenik. Markagailua 21-25 gelditu zen.

 

Chiapuso eta Zangituk osatutako bikoteak 22-9 irabazi zituzten Lertxundi eta Aranalde oriotarrak. Partida bikaina jokatu zuten EPLEkoek. Kadete Mailan berriz, Migeltorena eta Aranburuk 22-9 irabazi zuten eta final erdietan dira.